ပီအက်စ်ဂျီက မာဆေးလ်ကိုနိုင်တဲ့ပွဲအပြီး တွစ်တာပေါ်မှာ ရန်ဖြစ်နေတဲ့နေမာ

နေမာနဲ့ အယ်ဗာရို ဂွန်ဇာလက်တယောက် တွစ်တာပေါ်မှာ ရန်ဖြစ်နေပါတယ်။ ပီအက်စ်ဂျီက မာဆေးလ်ကို ထရိုဖီးဒက်စ်ဖလားမှာ ၂-၁နဲ့ အနိုင်ယူအပြီး၊ စကားစစ်ခင်းလိုက်တဲ့နေမာကြောင့် ကလေးတွေလိုအပြန်အလှန် ရန်ဖြစ်ခဲ့ကြတာပါ။ နေမာက ဂွန်ဇာလက်ကို အရင်သွားစခဲ့တာဖြစ်ပါတယ်။

နေမာနဲ့ ဂွန်ဇာလက်က ပြီးခဲ့တဲ့ စက်တင်ဘာလတုန်းက ပြဿနာတခုတက်ဖူးပါတယ်။ ပီအက်စ်ဂျီနဲ့ မာဆေးလ် လီဂူးဝမ်းပွဲကစားချိန်မှ ကစားသမားတွေအချင်းချင်းပြဿနာတက်ကြပြီး၊ နေမာက ဂွန်ဇာလက်တယောက် သူ့ကို လူမျိုးရေးခွဲခြားခဲ့တယ်လို့ စွပ်စွဲခဲ့ပါတယ်။ ဂွန်ဇာလက်က ဘာတခုမှမပြောခဲ့ကြောင်းပြောခဲ့ပြီး၊ အဆိုပါရန်ပွဲမှာ အနီကတ်ငါးကတ်ပလူပျံတဲ့အထိ ရုပ်ဆိုးခဲ့ပါတယ်။

နောက်တော့ နှစ်သင်းဟာ ပြင်သစ်စူပါဖလားဖိုင်နယ်မှာ ပြန်တွေ့လာခဲ့ချိန်၊ နေမာပါတဲ့ ပီအက်စ်ဂျီက ဂွန်ဇာလက်ရဲ့မာဆေးလ်ကို အနိုင်ယူခဲ့ပါတယ်။ နိုင်ပွဲမှာ နေမာက ၈၅ မိနစ်အနိုင်ဂိုးကို သွင်းပြီးအဓိက နေရာက ကစားနိုင်ခဲ့ချိန်မှာ တွစ်တာမှာပို့စ်တခုတင်ခဲ့ပါတယ်။ ” ဟေး… အယ်ဗာရိုဆိုတာ မင်းလား?” လို့ပါ။ နေမာသွင်းခဲ့တဲ့ဂိုးကလည်း အယ်ဗာရိုကိုကျော်သွင်းတာပါ။

တွစ်တာမှာအဲဒီလို ဒဲ့ကစ်လိုက်တဲ့အတွက် အယ်ဗာရိုက ပြန်ဖိုက်ပါတယ်။ ” ငါ့မိဘတွေက အမှိုက်တွေကို ခေါင်းထဲကထုတ်ဖို့ အမြဲတမ်းဆုံးမလေရှိတယ်။ လူကြီးတွေစကားအမြဲနားထောင်ပါ” ဆိုပြီး နေမာခေါင်းကိုသူကိုင်တွန်းနေတဲ့ပုံနဲ့တင်ခဲ့ပါတယ်။

နေမာကတခါ ပြန်ပြီး၊ ” အဲဒီတော့ မင်း ဖလားတွေဘယ်လို “မ”ရမလဲဆိုတာမေ့သွားရောလေ ဟား၊ ဟား” လို့ပြန်ဖဲ့ပါတယ်။

ဂွန်ဇာလက်က တခါပြန်ပြီး ” မင်းကအမြဲတမ်း ပီလီဘုရင်ကြီးရဲ့ အရိပ်အောက်မှာပဲရှိနေတဲ့သူပါကွာ” လို့ ကမ္ဘာ့ဖလား သုံးလုံးရထားတဲ့ပီလီရဲ့ပုံနဲ့ပြန်ဖဲ့ခဲ့ပါတယ်။

ကလေးတွေထက်ဆိုးတဲ့ ရန်ပွဲကို တွစ်တာမှာဖိုက်ပြီးချိန်မှာတော့ နေမာကပဲ ရန်ပွဲကို အဆုံးသတ်လိုက်ပါတယ်။ ” မင်းကတော့ ငါ့အရိပ်အောက်မှာပဲ တသက်လုံးရှိနေမှာပါ။ ငါမင်းကို နာမည်ကြီးအောင်လုပ်ပေးလိုက်ပြီနော်။ ကျိုင်းဇူးပါဆင့်” လို့ ပြန်ရေးခဲ့ပါတယ်။

ကလေးတွေထက်ဆိုးတဲ့ ရန်ပွဲကို တွစ်တာပေါ်မှာဖိုက်ခဲ့တဲ့ သူရဲကောင်းကြီးနှစ်ယောက် အဲဒါပြီးနောက်မှာ ပို့စ်ထပ်မတင်ကြတော့ပါဘူး။ အပြင်ရန်ပွဲပြီးတာတောင် လိုင်းပေါ်မှာ ထပ်စခဲ့တဲ့နေမာကတော့ ကလေးထက်ဆိုးတယ်လို့ ဆိုရမှာပါပဲ။

Thu Yay – ShweBa

Add a Comment

Your email address will not be published. Required fields are marked *